BÚIN BÚIN BÚIN BÚIN

JÁ ÉG ER BÚIN Í PRÓFUM JIBBÍ!

Nú get ég farið að jafna mig eftir átökin við bækurnar, ekkert stress, bara afslöppun. Get sofið út án þess að fá samviskubit og lesið bækur sem EKKI eru skóla bækur... mmm æðislegt!

Ég fékk svo skemmtilegan glaðning í vikunni frá Lukasi, bók, sem ég hlakka mjög til að byrja að lesa. Ég hugsa að ég detti í að lesa nörda bækur í sumar og þetta verður sú fyrsta og heitir hún Liberalism the Classical Tradition eftir Ludwig von Mises. Ég hugsa að ég taki frjálshyggju, stjörnuspeki og þýsku fyrir í sumar. Ásamt djammi, útilegum og einni utanlandsferð (svo er líka eitt sumarpróf en ég ætla ekki að leggjast í þunglyndi yfir því alveg strax). Það er bara spurning hvort að ég spyrji Hannes Hólmstein með hvaða bókum um frjálshyggju hann mælir með. Ég var einmitt sökuð um það um daginn að hljóma eins og hann. Ég var eitthvað að ræða velferðarmál og þá var sagt við mig "Vera ég var líka í þessum tíma þegar Hannes sagði þetta" ég bara "öhh sko ég hef aldrei verið í tíma hjá Hannesi..."

Það er töff að vera nörd!

En jæja ég ætla að fara að leggja mig og hafa mig svo til fyrir daginn og kveldið. Svo verður haldið á Akranes að kjósa og í grillveislu og svo... svo er það ÁFENGI OG FYLLERÍ!

Lifið heilsusamlega og já munið að kjósa! Það á alltaf að nýta kosningarétt sinn!

Vera 

Þessu hef ég haldið fram lengi!

Það er það að ég sé einmitt meira krútt enn hann Knútur! Nú er hann orðin 5 mánaða og krúttleikinn að renna af honum, hins vegar er ég 21 árs og er enn þá krútt og er ekki að hætta að vera krútt í bráð! Já ég er sko krúttlegri enn hann Knútur!

Vera "krútt"

Knútur er ekki lengur krútt

Góð hugmynd!

Mikið er þetta nú góð hugmynd, aldrei hefði mér dottið þetta í hug... Takk MBL fyrir frábæra hugmynd, verst að geta ekki notað hana þar sem að ég veit um nokkra prófessora sem lesa MBL... Jæja ég neyðist þá bara til þess að læra fyrir prófin!

Svindlað á prófum með iPod

Kosningar

Það verða nægar spennandi kosningar í maí. Fyrst verður það seinni umferð forsetakosningana í Frakklandi, síðan Alþingiskosningarnar 12. maí og svo stúdentakosningar í Austurríki. Ég mun fylgjast spennt með öllum þessum kosningum, verð þó að viðurkenna að ég hef ekki fylgst nógu vel með forsetakosningunum í Frakklandi en ég get þó sagt það að hvorugur kandídat er nógu frjálslyndur fyrir mig. 

Ég mun að sjálfsögðu vaka frameftir og fylgjast með niðurstöðum Alþingiskosninganna, ég hef loksins gert upp hug minn og ákveðið hvað ég ætla að kjósa. Ég veit í raun ekki hvernig ríkisstjórnarsamstarf ég vil, ég er orðin frekar þreytt á núverandi ríkisstjórn og mig langar að sjá hvort að eitthvað muni breytast með nýrri ríkisstjórn. Annars bara veit ég það ekki, ég vil fá umræðuna um Evrópumálin á dagskrá, því fyrr því betra. EES samningurinn fer að verða úreldur og ef við ætlum að reyna að fá undanþágur þá er nú best að fara að vinna í þessu núna annars getum við bara gleymt undanþágum.

Síðan eru það stúdentakosningarnar í Austurríki sem ég fæ beint í æð frá mínum manni. Ég vona innilega að LSF gangi vel í kosningunum enda eru plaggötin í kosningaherferðinni alveg frábær! Ég naut þeirra forréttinda að vera með þeim fyrstu sem fengu að sjá hvernig þau myndi líta út og vá, ég kolféll fyrir hugmyndinni, endalaust töff. Þetta er mynd af aspirín pakkningu með áletruninni "fyrir frelsi, fjölbreytni og sjálfsákvörðunarrétt". Ógeðslega töff.

Ég verð að viðurkenna að ég hef afskaplega lítið fylgst með kosningabaráttunni fyrir Alþingiskosningarnar (sem er í raun skammarlegt þar sem ég er nú einu sinni að læra stjórnmálafræði). Hinsvegar finnst mér bara kosningabárátta eitt það leiðinlegasta sem ég veit um. Ég fór bara og las stefnuskrár flokkana og "kosningaloforðin" og valdi svo bara samkvæmt því hvað ég ætla að kjósa. Mér finnst kosningabaráttan fara oft á svo lágt plan, alveg fyrir neðan allar hellur. Stundum minna kandídatarnir mig á börn í sandkassaleik, börnin eru þó skárri því þau eru ekki eins lágkúruleg og margir stjórnmálamenn. 

Svo er annað sem ég þoli ekki (sem ég hef sloppið við að mestu þó), og það eru meðlimir flokkana sem reyna að sannfæra mann um ágæti síns flokks. Ég meina gott og vel, ég skil að fólk vilji sannfæra sem flesta um sinn flokk og ágæti hans, en ég er bara þannig að því meira sem þú reynir að sannfæra mig, því meiri andúð fæ ég á flokknum. Ég sagði við einn vin minn sem sagðist muna líklega hringja í mig fyrir kosnignar "æi nei ekki gera það, þá kýs ég ykkur alls ekki, ef þú hinsvegar lætur mig í friði þá gæti það mögulega gerst". Hann ákvað að sleppa því að hringja í mig og er ég honum mjög fegin. Ég þarf ekki á því að halda að það sé hringt í mig í miðri prófatörn "Góða kvöldið ........ heiti ég og er að hringja frá...." Ég myndi snappa í símann, ausa yfir greyið manneskjuna fúkyrðum (og manneskjan ætti það ekkert skilið, nema hún sé ein af flokksbundnum vinum mínum og þá, já þá er voðin vís).

Þannig að elskulegir flokksmenn stjórnmálaflokka, EKKI hringja í mig þegar þið eruð farin að örvænta og farin í það að hringja í taugatregta kjósendur. Ég er hvort eð er búin að ákveða mig og það fer engin að hagga því!

En jæja, bælið kallar enda þarf ég að vakna snemma og lesa um nútímavæðingu að hætti Ingleharts og Welzels og reyna að skrifa um þróun Evrunar. 

Lifið heil og reynið að halda sönsum í brjálæðinu!

Vera  

Computer software for blondes

Ég bíð spennt eftir því að microsoft gefi út "Microsoft Excel the blonde proof edition". Mig vantar einmitt eitt slíkt núna... Einnig vantar mig "SPSS statistical tool for blondes", gæti komið sér gríðarlega vel á stundum sem þessum. Núna liggur maður yfir töflum og tölum og vill fá svona og hinsegin próf og töflur og þá er bara spurningin "hvernig er það gert?" Þessi spurning poppar upp af og til þessa stundina og ýmsar vangaveltur fara í gang.  

Þetta blessaða hópverkefni í spurningakönnunum er afkvæmi Satans!

Vankunnátta mín hefur ekkert með það að gera að ég er búin að vera í útlöndum...

Annars er ég ógeðslega þreytt og búin að kjánast of mikið á facebook í dag. Mig vantar svefn og motivation. Símtöl frá fullu fólki í kringum miðnætti á fimmtudagskvöldi eru töff á sinn hátt, en orsaka ekki mikin svefn.  Ég bíð bara eftir því að komast í sykurvímu á sunnudaginn, I'm gonna be high on páskaegg! Já takk!

 

Ferðasaga seinni hluti.

Seinni hlutann má finna á www.diplomati.wordpress.com

Sagan af ferðalangnum - fyrsti hluti

Ferðalangurinn situr þreyttur á "hot spot" stað á Stansted flugvelli og er að blogga. Ferðin hógst eldsnemma morguns þar sem förinni var heitið á BSÍ í flugrútuna í Leifstöð þar sem að ævintýrið hófst. Dagurinn er búinn að vera langur og erfiður og unga stúlkan er gríðarlega þreytt. Þó nokkrar hremmingar hafa hent hana þar sem að við innritun í flug frá London til Bratislava var stúlkan send að borga einhvern ríkisskatt og koma svo aftur og tékka sig inn. Þegar innritun er lokið þá er farið í gegnum öryggis eftirlit þar sem að kemur í ljós að eingöngu má vera með eina tösku eða poka í handfarangri. Öllu er troðið í töskuna sem er orðin gríðarlega þung á þessum tímapunkti. Eftir pirring ákveður stúlkan að splæsa á sig internet tíma á "hot spot" staðnum svo að hún geti tengst siðmenntuðum netheimi.

Það fer gríðarlega í taugarnar á stúlkunni að það þurfi að borga fyrir "hot spot" en á heimaslóðum stúlkunar merkir "hot spot" frítt internet. Greinilegt að útrás Íslands hefur ekki náð til þessa merka fyrirbæris.

Ferðalangurinn hefur lært nokkra hluti í ferð sinni hingað til:

1. Það er ekki gáfulegt að sofa í 3 tíma fyrir langt ferðalag og hafa farið jafnframt drukkin að sofa.
2. Þrátt fyrir að hafa gert mistökin í lið eitt þá slapp ferðalangurinn við þynnku.
3. Stansted er gríðarlega leiðinlegur flugvöllur.
4. Öryggiseftirlit í Bretlandi er strangara en í Bandaríkjunum.
5. Það borgar sig ekki að bóka flug og snemma því það getur orsakað auka útgjöld í furðulega skatta.
6. Útlendingar skilja ekki hinu sönnu merkingu hugtaksins "hot spot".
7. Bretland er nákvæmlega eins og klisjurnar sem ferðalangurinn var búinn að koma sér upp um landið.
8. Ferðalangurinn hefur enn þann einstakahæfileika að pakka þannig að taskan er gríðarlega þung.
9. Ferðalangurinn er búinn að eyða of miklum pening í dag - vorkunsamir mega hafa samband til að koma með frjáls framlög til styrktar fátæks ferðalangs og nema.
10. Þetta blogg er orðið nógu langt í bili.

Ferðalangurinn þarf að fara að huga að næsta flugi og klósettferð.

To be continued....

Kæru ráðamenn Íslands

Kæru ráðamenn í ríkisstjórn Íslands,

Ég hef fylgst með framvindu Baugsmálsins með öðru auganu og ekki tjáð mig mikið um þetta mál. Nú er mér hins vegar farið að blöskra hvernig ríkið er tilbúið til að borga milljónir til þess að reka þetta mál. Skattpeningar okkar Íslendinga fara í að borga undir flug fyrir vitni í þessu blessaða máli svo að þau geti borið vitni í 5 mínútur og það þykir bara allt í lagi. Hvar er siðferðiskenndin? Það eru mörg mun brýnari mál sem þurfa fjárframlög frá ríkinu en peningunum er eytt í að flytja inn vitni! Er þessi kostnaður virkilega þess virði? 

Nú þegar líða fer að kosningum sjáum við Íslendingar hvernig ríkisstjórnin er tilbúin til að spreða peningum úr ríkiskassanum í málefni sem skila engu til okkar borgaranna, nákvæmlega engu! Ég skil ekki af hverju við látum þetta viðgangast, ég bara næ þessu ekki. Og það sem ég skil allra síst er það að ráðamenn virðast halda að þeir muni fá atkvæði út á þetta. Ég verð bara að segja að ég get ekki kosið þá sem ætla að eyða í svona vitleysu!

Það er í lagi að fjársvelta hinar ýmsu stofnanir ríkissins en það er allt í lagi að spreða milljónum í svona bull!

Ég vona að þið ráðamenn farið að kveikja á siðferðiskenndinni og hættið þessari vitleysu. 

Skýrslutöku yfir Jónínu Benediktsdóttur frestað

Ástæða vandamáls míns???

Ætli þetta sé ástæðan fyrir vandamálinu sem ég lýsti í síðustu færslu?

Vísindamenn segjast hafa fundið hormónið sem veldur unglingaveiki

Hláturgirni - minn helsti veikleiki - eða er ég komin aftur á gelgjuna?

Ég á við vandamál að stríða. Ég hlæ of mikið og þá helst við óheppilegar aðstæður eins og í tíma. Það er einhvern vegin þannig að það má ekki segja mér smá brandara eða neitt í tíma og ég missi mig í hláturskasti. Það er að sjálfsögðu ekki mjög heppilegt að fá hláturskrampa í miðjum tíma, og hvað þá sí endurtekin. Það bendir að sjálfsögðu bara til þess að ég sé ekki að fylgjast með og sé uppfull af gelgjustælum. Ég vil bara taka það skýrt fram að ég er blásaklaus og er í raun fórnarlamb í þessu máli. Það er einfaldlega þannig að fólkið sem er með mér í stjórnmálafræðinni er of fyndið. 

Ég vil því vinsamlegast biðja samnemendur mína um að sýna mér tilitsemi þar sem ég þjáist af heiftarlegri hláturgirni, það geta samnemendur mínir gert með því að hætta að gera og segja fyndna hluti. 

Að því loknu vil ég biðja kennara mína afsökunar á því að missa mig í hláturskasti, flissi og öðru slíku í tímum. Ég skammast mín mikið.

Vera